ايزيس تيم

احلى الافلام احدث الاغانى نغمات نكت روشنة دردشة مصرى


    اناوالبطيـــــــخ وهواااااااااك ...مع اسامة منير

    شاطر

    nancy
    عضو شرف

    عدد الرسائل : 482
    العمر : 26
    تاريخ التسجيل : 31/08/2008

    اناوالبطيـــــــخ وهواااااااااك ...مع اسامة منير

    مُساهمة من طرف nancy في الثلاثاء سبتمبر 02, 2008 1:00 am

    .. برنامج .. للحب.. و عن الحب


    مع اوووسامه منير



    الحب


    ذلك الشعور السهلبيسي الذي يزعزغ عقول البشر


    و يهشك قلوبهم




    مستمعينا لسه بنتكلم عن الحب وحلقتنا النهارده عن



    الاستهبال في الحب


    معاكم اسامه منير علي نجوم fm مزيكا علي كيف كيفك



    في.. انا و البطيخ و هواك



    من دلوقتي ولمدة ساعتين


    مستنين تليفوناتكم علي 6066


    او علي 8555022


    او علي ايميل البرنامج


    علي هواك ات نيل راديو بروداكشن دوووت كوووم


    برعاية ابليس كومباني و ان تاتش و كريمات زحلقها




    دايما بتمر بينا اوقات بنحس فيها اننا مش قادرين نعيش من غير الحب و من غير الحبيب

    و الشعور دا متولد و منبثق من الاحساس التواجدي الكوني في اللامركزيه العصبيه للقلب

    و دايما بتقابلنا مواقف كلها استهبال في الحب


    ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..


    وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...





    اولا الرصيد اللي بيخلص في يوم و انت لسه شاحن كارت ب 100 و تفضل تحرق في
    دقايق علي حبيبتك و في الاخر لما الرصيد يقرب يخلص تقولها بحبك بحبك
    امموووه

    تقولك انت بتستهبل يا حبيبي اتلم لساورس يشوفنا





    او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش

    و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..

    فتضطر تصالحها بكارت ب 5 و تستهبل .. تلاقيها بتصرخ في وشك و تقول


    انت بتستهبل؟؟


    اقل من 200 متورنيش وشك





    و حبيبك اللي ييجي في اوقات يعمل فيها عالم فلك و يقولك انا بقرا الكف


    و يفضل يفعص في كف ايدك ولا كأنه شاف ايدين قبل كدا


    و في الاخر تقوليله

    انت بتستهبل ؟؟ حد يشوفنا


    و انتوا اساسا قاعدين في الشارع


    مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه


    وممكن مغص كلوي




    مستمعينا مستني تليفوناتكم علي 6066


    او علي 8555022


    او علي ايميل البرنامج


    علي هواك ات نيل راديو بروداكشن دوووت كوووم


    برعاية ابليس كومباني و ان تاتش و كريمات زحلقها ياما زحلقها





    نستقبل اول اتصال تليفوني و نقول الوو




    الووو


    الووو



    الوووووو


    الظاهر الخط قطع


    الوو ايوا يا اسامه



    اهلا نتعرف بيكي

    ياريت تعلي صوتك لان الصوت بعيد اوي


    _معلش اصل انا بكلمك من الحمام

    انا سمر من المنوفية


    اهلا بيكي يا سمر



    سمر بتكلم النهادرة عن الاستهبال في الحب
    انت ايه رأيك في الاتستهبال عامة و خصوصا في الحب



    _اسامة انا عاوزه اقولك في الاول انت انت احلى و اجمل اعلامي و صوت شفته
    في حياتي و انا بسجل كل الحلقات بتاعتك و بحبك اوووي يا اسامه



    ربنا يخليكي يا سحر ..



    انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف



    مين ياسمر ؟؟



    _شلحف هو اسمه شادي بس انا بدلعه شلحف

    قام ضارب الواد اللي عاكسني بالعتله الحديد شاقق له دماغه

    هو دلوقتي في السجن

    و انا بحبه اوي يا اسامه و مش عارفه اعمل ايه


    و اهلي بيضغطوا عليا مووووت مووووت عشان اتجوز واحد قد ابويا

    اسامه انا مش عارفه اعمل ايه


    بصي يا سحر

    _سمر


    اه سوري


    بصي يا سمر

    بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه


    و حبيبك بيحبك و ان شاء الله يطلع بالسلامة

    بس تعرفي هو لو كان العتله الحديد مصنوعه من حديد عز اكبر مصنع في الشرق
    الاوسط و المصدر الرسمي لحديد الجدار العازل كان حبيبك زمانه مشنوق دلوقتي
    لان حديد عز يتميز بالصلابه و القهوه و السيخ مظبوط و بالتمام ..



    شكرا يا ساره على اتصالك و بهديلك اغنية السوبر ستار محمد فؤاد




    يا مسجون في لومان طره


    نفسي اكل معاك كوز دره










    انا و البطيخ و هواك برنامج للحب و عن الحب


    مع اوووووسامه منير





    الحب


    لحظات من الامل متولدة في وسط غابات الغضب البشري الجارف المتعارض مع احداث الحياة


    فالحياة بدون حب


    كالشجرة بدون موبايل ..

    مستمعينا لسه بتكلم عن الحب و لسه بنسأل عن الاستهبال في الحب


    مستني تعليقاتكم علي 6066 او علي 8555022


    او علي ايميل البرنامج


    علي هواك ات نيل راديو بروداكشن دوت كوم برعاية ابليس كومباني و ان تاتش و
    كريمات زحلقها و بيبسي و كوكا كولا و تايد و برسيل و اومو و اريال ..




    الوقت بيمر معاكم بسرعة و حاتم بيضحك مش عارف علي ايه بس تقريبا عشان البت
    اللي بتبيع ترمس علي كوبري ابو العلا حولت له 5 جنية رصيد ..


    هاه ؟؟ عشره رصيد



    طيب اشطه يا حتوم .. اخوك بقا هاه






    مستمعينا لسه بتكلم عن الحب و لسه بنسأل عن الاستهبال في الحب

    مستني تعليقاتكم علي 6066 او علي 8555022

    او علي ايميل البرنامج

    علي هواك ات نيل راديو بروداكشن دوت كوم برعاية ابليس كومباني و ان تاتش و
    كريمات زحلقها و بيبسي و كوكا كولا و تايد و برسيل و اومو و اريال ..





    نص ساعة اعلانات





    مستمعينا لسه بتكلم عن الحب و لسه بنسأل عن الاستهبال في الحب


    مستني تعليقاتكم علي 6066 او علي 8555022

    او علي ايميل البرنامج

    علي هواك ات نيل راديو بروداكشن دوت كوم برعاية ابليس كومباني و ان تاتش و
    كريمات زحلقها و بيبسي و كوكا كولا و تايد و برسيل و اومو و اريال ..

    اس ام اس كتيرررر جدا النهاردة






    هاى يااسامة ازيك يا جميل

    البرنامج جميل جدا وانتة كمان مواضيعك تحفة .. وعايزاك تقول لجابر انى
    بحبه جدا وميزعلش منى ابدا.. رغم كل اللي بيعمله و رغم انه قليل الادب و
    دايما بيعمل حاجات سوفاج بس بحبه

    بحبك يا تامر
    قصدي يا جابر


    حبيبتك شاهيناز


    __________________




    هااي يا اسامه ازيك

    يا اسامه عاوز الايميل بتاعك بجد في مواضيع مهمه قوي عندي عاوز الحل ليها
    .. معلش يا اسامه بليز و الله يا اسامه انا تعبانه موووت و انت الامل
    الوحيد ليا ..


    ______________________



    هااي يا اسامه انت اجمل و احلي صوت في الكون كله


    ارجوك يااسامه قول لحسن انه مهما دور على حد ممكن يحبه ويسامحه ويغفر له
    كل حاجه مش هيلاقى غيرى لانى بحبه بصدق ومش عاوزة منه اى حاجه

    خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كله عشان يشمها ..





    اسامه اسامه اسامه

    ازيك يا جميل

    على فكره يا عم انت شوفلك حل .. حبيبتى بتحبك

    انا محمدين من دمياط .. بحبك قوى يا رضوى





    هاااي يا اسامه ازيك عامل ايه

    انا عارفه ان الحب مفهوش كرامه وهو الى خلانى بقيت كدة ازاى بعد كل دة هو
    اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد
    هعيش ازاى ... بحبك يا بعجررر

    __________________


    هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد

    بحبك يا سندس ااوووي و نفسي اخد الرصيد اللي في موبايلك كله ..



    هاااي اسامه ازيك

    انا سنية من القاهرة

    انا بحب واحد قد ابويا و مش عارفه اعمل ايه بحبه موووت مووووت يا اسامه
    عشان شعره الابيض الجميل و فجأة اكتشفت انه سمكري سيارات و ان البويه جت
    علي شعره

    اسامه انا مش عارفه اعمل ايه انت املي الوحيدء



    هاااي ا س اس ازيك


    انا عيوشه من شبرا و بحب واحد من الصعيد


    و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه

    بحبك يا صميده موووت موت









    الوقت بيمر معاكم بسرعة وقت حلقتنا انتهى و حاتم فرحان مش عارف ليه

    باين البنت بتاعت الدره حولت له رصيد تاني

    كان معاكم اسامة منير علي نجوم اف ام مزيكا علي كيف كيفك

    في انا و البطيخ و هواك من 12 لـ 2

    بشكر كل اللي كلمنا و اللي بتعت ا س ام اس

    مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6

    مزيكا علي كيف كيفك

    برعاية





    ان تاتش

    و ماكدونالدز

    و مؤمن

    و اريال و تايد

    خديجه جمال مبارك

    سوزان

    و كنتاكي

    و مصنع كوبايات ام سمير

    و كراسة الاول

    سلاح التلميذ ء

    سوق الخضار في السبتيه

    مصنع كريمات ام وائل

    كوافير ام ابراهيم للسيدات و قسم خاص للمحجبات

    مزرعة دواجن او احمد لتسمين العجول

    النادي الاهلي و الزمالك

    اديداس و بوما و *********ي و لوتو و امبروو

    اميجو كوتشي بينور

    امريكانا الجودة

    لانشون حلواني الإخوان

    منظمة التحرير الفلسطينية

    مجلس الشعب

    سمنة الهانم



    اتمنى يكون البرنامج ده عاجبكم واتمنى اكون قدرت ارسم بسمة على شفا كل مش فاكر فيكم







    مع تحيات برنامج نانسى للمقالب


    هههههههههههههههههههههههههههههه


    يارب يكون الموضوع عجبكم


    سلاموووووووووووووز







    MODY
    نائب الأدمن
    نائب الأدمن

    عدد الرسائل : 1618
    العمر : 30
    تاريخ التسجيل : 12/08/2008

    رد: اناوالبطيـــــــخ وهواااااااااك ...مع اسامة منير

    مُساهمة من طرف MODY في الثلاثاء سبتمبر 02, 2008 1:13 am











    يانانسى ياجاااااااااااااااااااااااااااااااااامد


    لا بجد والله جامدة اوى وتسلم ايدك عليها


    _________________
    MODY




    SiGo
    عضو فضى
    عضو فضى

    عدد الرسائل : 1195
    العمر : 28
    تاريخ التسجيل : 22/08/2008

    رد: اناوالبطيـــــــخ وهواااااااااك ...مع اسامة منير

    مُساهمة من طرف SiGo في الثلاثاء سبتمبر 02, 2008 2:15 am




    كفاية
    بطنى وجعتنى من الضحك

    جميــــــــــــــــــــــــــــــــــ يا نانسي ــــــــــــــــــــــــــــــــــــلة


    _________________





    مبروك انك فهمت ياللى فى بالى

    nancy
    عضو شرف

    عدد الرسائل : 482
    العمر : 26
    تاريخ التسجيل : 31/08/2008

    رد: اناوالبطيـــــــخ وهواااااااااك ...مع اسامة منير

    مُساهمة من طرف nancy في الثلاثاء سبتمبر 02, 2008 4:42 am

    منوريـــــــــــــــــــــــــــــــــــن

    حماقى وسيجوووووووو


    يارب تكون عجبتكم
    Smile

    يارب تعجب الباقى

    mouna
    مشرفة الصور و الجرافيك
    مشرفة الصور و الجرافيك

    عدد الرسائل : 1632
    العمر : 29
    تاريخ التسجيل : 15/08/2008

    رد: اناوالبطيـــــــخ وهواااااااااك ...مع اسامة منير

    مُساهمة من طرف mouna في الثلاثاء سبتمبر 02, 2008 4:33 pm


    bi jad hilwa awi ya nanacy ya rit koli lbramij bi chkli da


    _________________

    القلب الحزين
    مشرف القسم الترفيهى
    مشرف القسم الترفيهى

    عدد الرسائل : 1396
    العمر : 31
    تاريخ التسجيل : 14/08/2008

    رد: اناوالبطيـــــــخ وهواااااااااك ...مع اسامة منير

    مُساهمة من طرف القلب الحزين في الخميس سبتمبر 04, 2008 12:13 am

    مشكوووووووووووووووووووووره


    على المجهود الجميل


    تسلمى يا ننسى


    تحيااااااااااااااااااااااااتى


    _________________


    [b] يلا بنا نخش الشات يلا بينا نخش الشات

      الوقت/التاريخ الآن هو الأربعاء ديسمبر 07, 2016 10:34 am