ايزيس تيم

احلى الافلام احدث الاغانى نغمات نكت روشنة دردشة مصرى


    يوميّات اتنين مخطوبين ( الجزء السادس )

    شاطر

    MODY
    نائب الأدمن
    نائب الأدمن

    عدد الرسائل : 1618
    العمر : 30
    تاريخ التسجيل : 12/08/2008

    يوميّات اتنين مخطوبين ( الجزء السادس )

    مُساهمة من طرف MODY في الأحد أغسطس 31, 2008 5:24 pm

    الجــزء الســادس




    قــالت ســارة
    :


    مكالمة أخرى مع عمر على تليفون البيت
    هذه المرة اتصل أثناء مشاهدتي لمسلسل الرعب الأجنبي الذي أتابعه بشغف, ما علينا سأشاهده في الإعادة
    وجدته طبيعيا...
    أعني ليس حالما غارقا في الرومانسية كما أوحت لي الرسائل.. ارتاح قلبي لذلك, فأنا لا أحب الرجال معسولي اللسان.. حدثته عن مشاكل في عملي وأسداني بعض النصائح المفيدة بجانب بعض النصائح غير المفيدة
    -ولكني لم أخبره بذلك بالطبع-

    إلا أنني ذهلت وزاد إعجابي به عندما حدثني حول الاحتلال في العراق ووضع الانتخابات الفلسطينية.. إنه يعرف ما يتحدث عنه وله أراء خاصة رائعة ولا يدعي معرفته بكل شيء, مثل الذين يتحدثون وكأنهم كانوا مع بوش لحظة إعلان الحرب
    أعجبتني سعة اطلاعه، وإن كنت أحبطت قليلا عندما عرفت أنه لا يهتم بالكرة, وأنا التي كنت أحلم بأن أذهب أخيرا للاستاد لأشاهد المباريات من هناك بعد زواجي. إلا أني –للحق- احترمته
    فأنا لا أتخيله يجلس مثلي أمام التليفزيون يكيل السباب للاعبي الفريق المنافس والحكم الظالم دائما

    في وسط الحديث تطرقتُ إلى موضوع الرسائل.. فسكت قليلا ثم قال بلهجة شديدة الرقة والعذوبة :زودتها شوية... مش كده؟
    ولم أتمالك نفسي من الضحك
    أحيانا ينتاب الشخص نوبة غباء يندم عليها كثيرا فيما بعد... وكانت هذه إحدى نوبات غبائي
    كيف يكون هذا هو رد فعلي على هذه الرقة؟.. بالتأكيد سيظن أني بليدة المشاعر

    ارتبك قليلا بعد ضحكتي الغبية ثم تجنب الحديث عن رسائله وشكرني على رسالتي وأثنى على خفة دمي الذي كان يغلي في هذه اللحظة من شدة غيظي من نفسي ومن ردود فعلي الغبية

    انا ح اجى لكم بكرة شوية يا سارة -
    قالها عمر لى فى التليفون فرديت باستغراب: ليه ؟
    وطبعا كان رد غريب جدا فقلت له بسرعة: تشرف طبعاً
    وقفلت التليفون وانا سعيدة جدا انى ح اشوف عمر بكرة لأول مرة من قراءة الفاتحة الظاهر انه واحشنى لا الحقيقة مش الظاهر انا فعلا نفسى أشوفه


    ***********


    قــال عمــر
    :


    رد فعل سارة غريب جدا ياترى هى مش عاوزة تشوفنى فعلا علشان كده اتخضت؟ ممكن تكون حست انها اتسرعت فى الخطوبة مثلا
    طب ايه المطب ده ؟
    دى هى واحشانى فعلا ج يبقى شكلى ايه لو قابلتنى ببرود ؟ بس هى كانت طول المكالمة سعيدة
    اوِوف.. البنات دي عاوزة خريطة علشان الواحد يفهمهم.. احسن أصلى ركعتين وانام علشان عندى شغل بدرى

    ***********


    قــالت ســارة
    :


    عملت ماسك زبادى بالعسل قبل ما انام مع ان بشرتى مش محتاجة بس استعداد نفسى للقاء عمر المنتظر

    ماما دخلت لقتنى ملزقة كده قالت لى مالك يا سارة قلت لها: اصل عمر جاى بكرة يا ماما
    خرجتْ من الاودة وهى بتقول لا حول الله يارب

    غسلت وشى من الماسك وغمضت عينى وطفيت النور بس ما جاليش نوم خالص.. ايه القلق ده ؟
    احاسيس ملخبطة جدا
    جوايا فرحانة انى ح اشوفه وفى نفس الوقت سؤال بيزنّ فى عقلى: خلاص هو ده الانسان اللى ح اكمل معاه حياتى كلها لحد ما اعجّز زى ماما وبابا ؟

    ده انا تقريبا ما اعرفوش !! بس هو مؤدب وطيب
    ماهو كلهم بيكونوا كده فى الأول !!! على رأى صديقاتى ذوات الخبرة فى الارتباط

    حطيت المخدة على دماغى علشان اهرب من التفكير وانام


    ***********


    قــال عمــر
    :


    ياااااه ده انا تقريبا مانمتش خالص وحاسس بصداع رهيب وعندى شغل بعد نص ساعة
    آدى اللى خدناه من الخطوبة
    ما انا كنت حر نفسى وأخر رواقة كل القلق ده ولسه قراءة فاتحة امال لما أخلف 5 ولا 6 عيال ح اعمل ايه ؟ أكيد ح اكون مت من زمان

    ***********


    قــالت ســارة
    :


    قمت من النوم بعد ما صحيت ييجى ميت مرة وعندى حموضة كبيرة شربت سفن اب على الريق وطبعا كانت فاتتنى صلاة الفجر من النوم المتقطع
    اتوضيت وصليت شعرت بهدوء واستعدت فرحتى بلقاء عمر النهاردة

    يارب فرّحنى النهاردة يارب..

    ***********


    قــال عمــر
    :


    تالت فنجان قهوة باشربه والصداع ابتدى يروح شوية
    اه لو سارة تدينى حتى رنة تعرفنى انها عاوزة تشوفنى هى كمان
    فضلت ماسك الموبيل وسرحان لحد ما فوقت على صوت زميلى بيقول : يابختك يا عم تلاقى العروسة صبّحت عليك ييجى ميت مرة.. تيجى مراتى تشوف عمرها ما بتتصل بى الا لو كارثة حصلت ده انا حاطط لها تون سرينة اسعاف.. ههههههه

    رميت الموبيل وقلت الصيت ولا الغنى !! يلاّ بقى يا سارة ربنا يهديكى

    ***********


    قــالت ســارة
    :


    الوقت بيعدى بسرعة كدة ليه ؟ الساعة 4 وعمر جاى الساعة 8 طب ح البس ايه ؟ وح نقعد فين ؟ مش معقول نقعد لوحدنا فى الصالون حرام طبعا وكمان انا اتكسف جدا لا أكيد كل العيلة ح تقعد على قلبنا
    طب حنتكلم فى ايه ؟
    التليفون بيسهّل الموضوع لكن وجها لوجه دى صعبة شوية
    ياااه ايه القلق ده كله ؟
    ماما بتبص لى من بعيد و عينيها بتضحك على وبتقول فى سرها البنت اتجننت

    قمت استحميت واسترخيت شوية وقعدت أنشف شعرى بالسشوار وأعمله كذا تسريحة مع انه مش ح يشوفه لأنى ح اكون لابسة الحجاب طبعا بس عاوزة أحس انى جميلة النهاردة ونفسى أشوف ده فى عينيه

    ***********


    قــال عمــر
    :


    ياترى ح أجيب ايه معايا وانا رايح ؟ آخد شيكولاتة ؟ ولا أبقى رومانسى واخد ورد
    طب أنا نفسى أشترى هدية لسارة تفكرنا دايما باليوم ده أشترى لها ايه ؟
    قعدت أفكر وانا فى العربية وراجع من شغلى لحد ما لقيت محل هدايا دخلت و جبت بوكية ورد أنيق ودورت على هدية سارة احترت شوية وبعدين لقيت دبدوب ضخم أبيض حاضن قلب أحمر
    كان ضخم جدا وغالى جدا كمان !!! لكن تخيلت فرحتها بيه

    يارب يعجبك ياسارة..


    ***********


    قــالت ســارة
    :


    ارتديت عباءة مغربى جميلة مطرّزة بالقصب أهداها لى خالى من الخليج
    لم أرتدى تايير أو ما شابه مش عارفة ليه يمكن كنت عاوزة أحس أنى لا أستقبل ضيف غريب بل من أهل البيت
    وضعت مكياج خفيف جدا مجرد انه يظهر وجهى نضر لا أكثر ولفّيت الطرحة بطريقة جديدة زادتنى أناقة ونظرت فى المراية ووجدت بريق جميل فى عينى لم أره من قبل
    يارب اسعد كل البنات زيي
    وأفقت من سرحانى على صوت جرس الباب وصوت أمى بيقول
    :
    ..عمر جه يا سارة

    ***********




    Very Happy Very Happy Very Happy تابعــــــــــــــــــــــــــــــونا Very Happy Very Happy Very Happy
    *************************


    _________________
    MODY




    SiGo
    عضو فضى
    عضو فضى

    عدد الرسائل : 1195
    العمر : 28
    تاريخ التسجيل : 22/08/2008

    رد: يوميّات اتنين مخطوبين ( الجزء السادس )

    مُساهمة من طرف SiGo في الإثنين سبتمبر 01, 2008 2:27 am

    مشكووووووووووووووووووووور على المجهود
    قصة جميلة جدا


    _________________





    مبروك انك فهمت ياللى فى بالى

    cuopid
    مشرف الاقسام العامة
    مشرف الاقسام  العامة

    عدد الرسائل : 1022
    العمر : 27
    تاريخ التسجيل : 16/08/2008

    رد: يوميّات اتنين مخطوبين ( الجزء السادس )

    مُساهمة من طرف cuopid في الأربعاء سبتمبر 03, 2008 4:16 am

    قرأ ويتبع

    ويامسهل انا سمعت ان القصة دى طويلة شوية

    ويامسهل

    wisal
    عضو

    عدد الرسائل : 108
    العمر : 34
    تاريخ التسجيل : 21/08/2008

    رد: يوميّات اتنين مخطوبين ( الجزء السادس )

    مُساهمة من طرف wisal في الإثنين سبتمبر 08, 2008 1:14 pm

    يامسهل انا خايفه من النهايه ويروح عليا الفرح وانا نفسي احضرو

    MODY
    نائب الأدمن
    نائب الأدمن

    عدد الرسائل : 1618
    العمر : 30
    تاريخ التسجيل : 12/08/2008

    رد: يوميّات اتنين مخطوبين ( الجزء السادس )

    مُساهمة من طرف MODY في الثلاثاء سبتمبر 23, 2008 5:26 pm

    شكرا ياجماعة ع المرور

    واتمنى المتابعة

    **********


    _________________
    MODY




      الوقت/التاريخ الآن هو الإثنين ديسمبر 05, 2016 6:32 pm